دعوه الى المشلركة معنا

وعليكم السلام ورحمة الله وبركاته ومغفرته

اقتباس :

فيه ايه في مجتمعاتنا انتم بتشوفوه بعيد عن الأخلاق والحياء لكنه أصبح عادي....

حاجات كتيرة جدا

علاقات الشباب بالبنات ( الزمالة - الصداقة - الجيرة - بنت الحتة ابن الحتة ووووووووو) بقت عادي

الألفاظ البزيئة اللى اعتادها الناس بقت عادى

لبس البنات والولاد بقى عادى

برامج العشق والهوا ( السفالة وقلة الادب ) زى انا والنجوم وهواك اللى نص بناتك وشبابك يا مصر بيستوه كل تلات على نجوم اف ام ......... بقى عادى

افلام الكبار فقط انتشرت جدا فى الفترة الاخيرة زى مثلا فيلم هى فوضى والريس عمر حرب كمثال وليس للحصر .......... بقت عادى

الكليبات وما ادراكى ما الكليبات ............. عادى

لما اروح اتمرن فى النادى وألاقى بنت بتجرى جنبى ............... عادى

لما تشوفى بنت او ست كبيرة او راجل عجوز واقف اى اتوبيس ولا مترو وفيه شباب لسة فى صحتهم قاعدين ولا معبرينهم........ عادى

لما واحدة تتكلم فى إعادة صياغة قانون المواريث علشان المرأة بقت زى الراجل ولازم تورث زيه ........عادى

حاجات كتير اوى اوى اوى ممكن اى حد ينتقضها فى مجتمعنا





حاجات كتير اوى

اقتباس :

فيه ايه انتم فاكرينه عادي لكن أهاليكم وأبائكم والمجتمع حولكم بيقولوا لكم انه مش عادي...

انى محضرش فرح حد قريبنا

انا مبحضرش أفراح
اختلاط ومعازف وغناء ورقص و و و و و و و

ابن خالتى كان فرحه قريب ومحضرتوش
بالنسبالى عادى

بالنسبة للناس مش عادى





وبرضو العكس فى الجنازات
بحب اروح جنازات جدا
جنازة اى حد سوا اعرفه او معرفوش
اجر الجنازة والمشى فيها قيراطين فى الجنة مثل جبل احد

لكن ممكن مثلا تلاقى حد بينتقدنى ويقولى هو انت تعرف اللى مات ؟؟؟؟
رايح جنازة حد متعرفوش ؟؟

مع ان اللى بيقولى كدا لو مات وبقى فى موقف الميت هيبقى هاين عليه يضحى بأى حاجة فى سبيل ان واحد زيادة يصلى عليه جنازة ويدعيله

اقتباس :

فيه ايه انتم متلخبطين فيه مش عارفين ده عادي ولا مش عادي...؟؟؟؟

نظر الدكتور لوجه الطالبة المتبرجة وهو بيسألها فى حاجة او بيرد على سؤالها
أقصد البنت اللى لاعبة فى وشها ومديالة 3 كيلو بوية معاهم 6 كيلو كريم أساس بدرجة افتح من درجة لون بشرتها بعشر مرات



الصبح لما ميكونش فيه عربيات وتلاقى الرجالة والستات بيجروا على نفس العربية لما تيجى تقف ادامهم وكلهم يخبطوا في بعض

أحيانا الست بتبقى مضطرة وغالبا الراجل معندوش دم
دا بالنسبالها عادى ولا مش عادى



لما واحد من بلد يودى بنته بلد تانية خالص علشان تدخل كلية كويسة وتعيش لوحدها فى البلد التانية دى بدون اهلها
دا عادى ولا لأ ؟؟؟؟؟؟؟


أخوكم أحمد أبو الفتوح
المشرف العام للمنتديات